Categories
Uncategorized

亞馬遜網購武漢肺炎買防護裝備

其實落街排隊買口罩都有風險,最新講法話係接觸都會有機會傳染到武漢肺炎,排隊如果前後左右有條友唔小心掂到你就大鑊了。

如果要亞馬遜網購,作為一個1998年已經開始幫襯Amazon嘅老手,我喺度寫返幾句。

基本篇

首先,要留意返你想買件產品係唔係能夠送到香港,有啲嘢係一定唔可以寄來香港,例如含有酒精嘅物品。特別係啲酒精搓手液消毒液之類。如果要用含酒精嘅消毒制,就一定唔會送貨過嚟香港。

其次要留意吓賣家喺邊度,有啲係亞馬遜直送,From Amazon.com,呢一類型嘅大部份貨品都可以享有免費送貨服務,只需要購買就49美金,就可以寄到黎香港,有九成嘅機會係順豐速運送貨。亦都有機會係聯邦快遞送貨,但係個可能性非常低。


仲有,留意返買3M口罩時,係唔係可以阻擋啲微粒,特別係N95口罩。佢型號嘅四位數字,要一字頭先至係醫學用嘅,八字頭係工業用嘅。例如1860、1870 ,呢兩隻就係醫院級。

而家剩低好少可以直送香港嘅貨品,因為前嗰幾日已經俾人數得所以無幾,就算可以直送香港嘅,都未必有貨。

購物清單舉例

外科口罩(surgical mask)

眼罩

免酒精搓手液、消毒液



埋單篇

送貨記得揀免費送貨,但係只適用於亞馬遜直接出貨嘅產品,同埋要夠$49美金先至可以免運費。如果好緊急嘅話就要用加速送貨,通常用聯邦快遞,通常四日至五日會到香港。

之前曾經叫過人千其唔可以用亞馬遜嘅即時貨幣兌換功能,依家就睇你實際需要啦,因為發現兩者嘅差別已經唔大,之前1美元大約港幣$8.11。呢排匯率已經變得好合理,大約計港幣$7.92,同一般信用卡匯率睇齊。留意有啲銀行信用卡收港幣同收美金嘅回贈會有差別,建議就用美金找數。

Categories
Uncategorized

Amazon黑色星期五Overcooked 2 (Switch) $25美金

Amazon黑色星期五特價

任天堂 Switch版 Overcooked 2

平時網站賣開$40美金今日做$25美金

到香港運費都係$5美金

加埋$250港幣都有找

買幾隻慳運費嘅話仲可以平少少

Categories
Uncategorized

Black Friday WD 6TB Elements Desktop Hard Drive – USB 3.0 一百蚊美金

Western Digital WD 6TB Drive

黑色星期五特價$100美金,可以運到香港。
連埋運費$110美金

Categories
Uncategorized

老土的萬寧

用咗呢個7字頭嘅電話號碼差唔多三個月,估唔到仲係有公司未接受到用七字頭嘅電話號碼。

萬寧個app真係好老土。打對台嘅百佳一早就已經接受左呢個號碼,就算連OK便利店都可以打去叫佢人手幫我改電話號碼,唯獨萬寧咁老土(foodpanda都好老土,但行業唔同)

Categories
Uncategorized

更改手機號碼做4、7、8開頭的號碼

今日(2018/4/18)親身試用緊7字頭嘅電話號碼,自自然然要更新各服務的通訊辦法。我發覺有好多地方仲未支援。下表同時記述更新電話號碼的手續。

電子錢包:

  • O!ePay:禁止更改電話號碼
  • Tap&Go:App內成功更改(需接收驗證短訊)
  • TNG:嘗試更改,但被拒絕,顯示話「手提電話號碼應由5、6、9開頭」
  • PayMe:App內成功更改(需接收驗證短訊)
  • PayPal:成功更改,毋須接收驗證短訊

銀行:

  • 滙豐: 上網上理財成功更改,新舊電話號碼均收到短訊通知
  • 東亞: 無法網上辦理
  • 渣打: 無法網上辦理
  • 花旗: 無法網上辦理
  • JETCO Pay:需事先更改相關銀行紀錄的電話,繼而取消JETCO Pay戶口,再重新登記過

通訊程式:

  • WhatsApp:嘗試更改,但被拒絕,稱「不是中華人民共和國香港特別行政區的有效電話號碼」
  • Telegram:成功更改
  • LINE:嘗試更改,但無法獲得短訊認證碼

購物:

  • OK齊齊印:嘗試更改,但無法獲得短訊認證碼
  • 許留山:成功更改
  • 759:嘗試更改,但被拒絕,顯示「輸入的聯絡電話格式有誤」
  • TheClub:需電話直接聯絡
  • 易賞錢:禁止更改電話號碼
  • eBay:嘗試更改,但被拒絕稱號碼不是有效號碼
  • Amazon:成功更改
  • HKTVmall:成功更改

其他:

  • FoodPanda:無法更改,說電話號碼「無效」
  • Manulife:成功更改
  • Deliveroo:成功更改
  • Uber:成功更改
  • TurboJet:成功更改
  • British Airways:成功更改
  • Asia Miles:嘗試更改,但無法獲得短訊認證碼
  • Samsung Account:成功更改
  • Apple ID:成功更改

Initial Publish: 2018/04/18
Last Update: 2018/04/20

Categories
Uncategorized

大伏。O!ePay冇得轉電話號碼

同其他錢包唔同,如果你個電話號碼有改動,八達通呢個手機app,超級麻煩。如果你用身份證嚟登記一個戶口,要轉電話號碼,首先要取消個戶口。然後三個月內唔可以登記使用O!ePay。

如果用身份證登記一個新嘅戶口要等三個月。

其他手機錢包都冇呢個規定。

Categories
Uncategorized

信用卡/銀行/電子錢包限時優惠參考

Tap&Go   23/2 – 22/3 (2017)

OK便利店 $40回$10 (LINK + T&C)

  • 每日只可享回贈1次, 新客戶最多5次, 現有客戶最多3次
  • 現有客戶定義: 2017年2月23日前已是客戶
  • 不適用於: 香煙及其他服務(包括繳費、增值、預訂、捐款、影印、 傳真、充電、購買充值券、郵票、相片沖晒、門票、電話卡、網上遊戲卡、 八達通卡、預繳卡、膠袋稅及換購品。
  • 無指明回贈日期。

大新JETCO Pay 1/2 – 31/3 (2017)
第一次成功過數$100以上,回贈$50。 (LINK) (T&C)

  • 回贈於5月31日前到帳。
  • 名額2000人 (估計反應冷淡)
  • 無清楚指明以帳戶計定個人計。條款含糊,但似乎指個人。
Categories
手機支付

手機支付工具簡介(4) — 匯豐及恒生手機理財程式

身邊的朋友都仲有恒生或匯豐的銀行戶口,所以我覺得這個程式的普及程度,是最高的。

首次登記付款時,需要在銀行的網上理財登入,並用「保安編碼器」去驗證身份,才可以登記「P2P付款」。完成登記後,便不再需要那部「編碼器」。純粹收款的人,完全毋需登記。

要進行過數交易時,用戶要登入在匯豐或者恒生的網上理財手機程式去頭選擇P2P付款,然後輸入收款人的電話號碼、款項,不需入帳戶號碼。用戶核對資料後,便會即時過數。由於款項是即時發送的,對方立刻便可以收到並使用該筆款項。

假若個電話號碼在匯豐或恒生銀行其中一間銀行有記錄的話,便可以即時在網上過數給他們了。假若,該收款人同時擁有匯豐和恒生的戶口,就會發送款項及付款人相同的銀行。上限亦是金管局規定的每兩天最多3000港元。

收款人會收到一個SMS短訊提示說有人過數了給他,他可以直接登入網上理財查閱該筆款項。值得注意的是,簿仔戶口並不支援這個功能。
優點:
即時到帳
收款者不需登記
普及程度較廣

缺點:
不支援簿仔戶口
同時持匯豐及恒生戶口時,無法自己選擇收款帳戶

Categories
手機支付

手機支付工具簡介(3) — 銀通 Jetco Pay

香港嘅櫃員機主要分兩大陣營,一是匯豐恆生,二是銀通(Jetco)。銀通推出Jetco Pay,看來應該是想銀通旗下的銀行可以進行流動主付服務。

不過,Jetco Pay付款暫時只支援中信銀行、大新銀行、富邦銀行、上海商業銀行,和永隆銀行。值得留意的是,每一間銀行是獨立用一個付款App的。而且,須留意,付款的app和收款的app是不同的。

好在,收款嘅銀行可以係香港各大小銀行,連恆生匯豐都可以。

功能和跨行轉帳並無分別,但是你存錢之後要等足三個工作天才可以使用該筆款項。三個工作天,其實可以好耐,如果我星期三過數,你要下個星期一至可以用,足足五日。如果撞正假期,分分鐘個幾禮拜至收到。

收款的一方需要在手機安裝銀通收款app,但收款就只需用同一個app。收款人要在app入面輸入電話號碼、銀行帳戶號碼及帳戶持有人姓名。經過短訊確認電話號碼之後,理論上便可以進行收款。付款的一方需要知道收款人的電話號碼,而毋須知道他的銀行或戶口號碼。

付款之後,收款的一方會收到通知,他需要進入收款App,選擇接受或拒絕該筆款項。如果他接受該筆款項,便會於三個工作天之後,收到款項。理論上如此。但我並未成功交易過,我曾經轉帳$100給自己的另外一個銀行的戶口,顯示三天之後(理論上)
應該收到該筆款項。但是第四天中午,居然收到通知,說款項被拒絕,該筆款項退回我付款的戶口。付款失敗。

我星期三再試第二次,已令一間銀行的戶口進行交易進行收款。現在需要等到下個禮拜一才知道有沒有收到款項。最大問題時,他們拒絕款項存入的時候並不會告訴你什麼原因,只告訴你款項被拒絕,因此我並不知道問題出在付款方還是收款方。

優點:
可以直接存錢入對方戶口,不需要知道對方的姓名和銀行帳戶號碼
可以不需手續費、經由銀通的網絡過數給非銀通的網絡(恒生銀行和匯豐銀行)

缺點:
不知道怎樣才能成功過數
過數速度慢,需要三個工作天
支援付款功能的銀行都是中小型銀行,普及性低

上文內容於撰寫時資料正確,本站恕不保證日後因任何上述公司條款修改,對上文的準確性之影響。
Categories
手機支付

手機支付工具簡介(2) — 八達通O!ePay

八達通O!ePay(好易畀) 官網 oepay.com.hk,呢個名好難聽又核突嘅手機支付工具同Tap&Go係完全唔同嘅,好易畀呢個App大部份情況下係唔可以用嚟買嘢,只係可以用嚟過數。

之但係呢個過數功能其實相當好用。你可以增值八達通,又可以由八達通過返數入去呢個App。

同Tap&Go拍住賞卡最大嘅分別就係Tap&Go卡係有入無出,而好易畀就可以過返數入銀行而唔需要俾手續費。但加入銀行戶口,就要等兩個禮拜。

主要功能

好易畀嘅讀卡功能需要有增值或者扣款嘅八達通號碼,防止啲人係街道隨便讀人哋張八達通卡。而每一個戶口同時只能夠有十張登記左嘅八達通卡。唔支援舊版八達通卡,例如我張首創版八達通卡…

如果你需要過數俾朋友,如果佢不在身邊,佢需要有一個「O!ePay」嘅戶口,而過數係即時嘅。上限係兩日3000港元,金管局規定。如果佢喺你身邊,你就可以直接攞張八達通卡,直接經由手機上嘅NFC功能( iPhone則要購買一個Sony藍牙讀卡器) ,除咗提錢重可以入錢。呢個功能我對我同同事食飯非常之有用,因為佢哋一般來講唔太願意開下載個新嘅App用嚟收款付款,但每一個香港人都有八達通卡(好似係)。同樣道理,呢一個功能可以幫朋友或者同事增值八達通卡,咁你就可以賺到飛行里數或者信用卡積分啦。

  • 入錢/扣錢流程:打開App > 登入 > 按選項 > 轉入/轉出 > (如未加八達通卡號) 加卡 > 輸入金額 > 確定 > 拍卡
  • 過數流程: 打開App > 登入 > 按選項 > 按畀錢 > 畀錢朋友 > 揀朋友 > 輸入備註 > 輸入金額 > 發送

拿回塵封八達通卡的餘款

如果你家裡有幾張「銷售版」八達通卡,因為冇得退,又負咗錢,擺埋一二邊好嘥料,「好易畀」App就係救星了。首先你過錢入去到張卡變返正數$0.1,然後再扣返$35.1過入「好易畀」帳戶內,咁你就可以完全用得返你張卡嘅按金了。

同樣道理,如果你喺7-11買咗$98蚊嘅八達通SIM,都可以全數攞返內藏嘅$35按金,但較複雜……基於某些不明原因,你係唔可以用Android「好易畀」讀返插咗入同一部機嘅八達通SIM,準備非常麻煩:你要一部具有NFC功能嘅Android電話插八達通SIM、一部iPhone、同埋八達通讀卡器。

不過,原理相當簡單:喺iPhone用「好易畀」讀喺Android電話嘅八達通SIM。

網上付款

另外一個功能,同佢自己公司出產嘅八達通App功能基本上重疊,就係網上付款功能。網上付款功能只支援極少數的網上商店,包括可在八達通官網買八達通產品、讀卡器、精品等等。而另一間支援的公司就是中國大陸的淘寶網,如果有些人對中國產品有信心,可以使用這個app來進行網上付款。

短評

於我來說這個app的功能就好像一部流動八達通卡增值器和交易工具,定位明顯不夠清晰。雖然這個工具比較好用,但是普及性似乎很低。用戶可以看到自己手機裏便的通訊錄內,有多少個朋友已經安裝了,我眼見就只有小貓三四隻。

優點:
可以儲到飛行里數或者信用卡積分
基本上可以直接進行面對面嘅八達通交易,無需對方安裝任何app
登記戶口只需要電話號碼,唔一定需要身份證明文件 (如果要提錢入銀行,則必需提交身份證)

缺點:
無法進行市面上購物交易
如果要係iPhone上面用,就一定要購買一個藍牙讀咭器,售價超過$200。個讀咭器係日本Sony為咗日本本地嘅交通卡而推出嘅,可以讀取各種日本嘅交通卡包括西瓜卡等等。
似乎無法吸引用戶長期存放金錢於戶口內

下載: Google Play / Apple iTunes

上文內容於撰寫時資料正確,本站恕不保證日後因任何上述公司條款修改,對上文的準確性之影響。