信用卡/銀行/電子錢包限時優惠參考

Tap&Go   23/2 – 22/3 (2017)

OK便利店 $40回$10 (LINK + T&C)

  • 每日只可享回贈1次, 新客戶最多5次, 現有客戶最多3次
  • 現有客戶定義: 2017年2月23日前已是客戶
  • 不適用於: 香煙及其他服務(包括繳費、增值、預訂、捐款、影印、 傳真、充電、購買充值券、郵票、相片沖晒、門票、電話卡、網上遊戲卡、 八達通卡、預繳卡、膠袋稅及換購品。
  • 無指明回贈日期。

大新JETCO Pay 1/2 – 31/3 (2017)
第一次成功過數$100以上,回贈$50。 (LINK) (T&C)

  • 回贈於5月31日前到帳。
  • 名額2000人 (估計反應冷淡)
  • 無清楚指明以帳戶計定個人計。條款含糊,但似乎指個人。
Posted in Uncategorized | Leave a comment

手機支付工具簡介(4) — 匯豐及恒生手機理財程式

身邊的朋友都仲有恒生或匯豐的銀行戶口,所以我覺得這個程式的普及程度,是最高的。

首次登記付款時,需要在銀行的網上理財登入,並用「保安編碼器」去驗證身份,才可以登記「P2P付款」。完成登記後,便不再需要那部「編碼器」。純粹收款的人,完全毋需登記。

要進行過數交易時,用戶要登入在匯豐或者恒生的網上理財手機程式去頭選擇P2P付款,然後輸入收款人的電話號碼、款項,不需入帳戶號碼。用戶核對資料後,便會即時過數。由於款項是即時發送的,對方立刻便可以收到並使用該筆款項。

假若個電話號碼在匯豐或恒生銀行其中一間銀行有記錄的話,便可以即時在網上過數給他們了。假若,該收款人同時擁有匯豐和恒生的戶口,就會發送款項及付款人相同的銀行。上限亦是金管局規定的每兩天最多3000港元。

收款人會收到一個SMS短訊提示說有人過數了給他,他可以直接登入網上理財查閱該筆款項。值得注意的是,簿仔戶口並不支援這個功能。
優點:
即時到帳
收款者不需登記
普及程度較廣

缺點:
不支援簿仔戶口
同時持匯豐及恒生戶口時,無法自己選擇收款帳戶

Posted in 手機支付 | Leave a comment

手機支付工具簡介(3) — 銀通 Jetco Pay

香港嘅櫃員機主要分兩大陣營,一是匯豐恆生,二是銀通(Jetco)。銀通推出Jetco Pay,看來應該是想銀通旗下的銀行可以進行流動主付服務。

不過,Jetco Pay付款暫時只支援中信銀行、大新銀行、富邦銀行、上海商業銀行,和永隆銀行。值得留意的是,每一間銀行是獨立用一個付款App的。而且,須留意,付款的app和收款的app是不同的。

好在,收款嘅銀行可以係香港各大小銀行,連恆生匯豐都可以。

功能和跨行轉帳並無分別,但是你存錢之後要等足三個工作天才可以使用該筆款項。三個工作天,其實可以好耐,如果我星期三過數,你要下個星期一至可以用,足足五日。如果撞正假期,分分鐘個幾禮拜至收到。

收款的一方需要在手機安裝銀通收款app,但收款就只需用同一個app。收款人要在app入面輸入電話號碼、銀行帳戶號碼及帳戶持有人姓名。經過短訊確認電話號碼之後,理論上便可以進行收款。付款的一方需要知道收款人的電話號碼,而毋須知道他的銀行或戶口號碼。

付款之後,收款的一方會收到通知,他需要進入收款App,選擇接受或拒絕該筆款項。如果他接受該筆款項,便會於三個工作天之後,收到款項。理論上如此。但我並未成功交易過,我曾經轉帳$100給自己的另外一個銀行的戶口,顯示三天之後(理論上)
應該收到該筆款項。但是第四天中午,居然收到通知,說款項被拒絕,該筆款項退回我付款的戶口。付款失敗。

我星期三再試第二次,已令一間銀行的戶口進行交易進行收款。現在需要等到下個禮拜一才知道有沒有收到款項。最大問題時,他們拒絕款項存入的時候並不會告訴你什麼原因,只告訴你款項被拒絕,因此我並不知道問題出在付款方還是收款方。

優點:
可以直接存錢入對方戶口,不需要知道對方的姓名和銀行帳戶號碼
可以不需手續費、經由銀通的網絡過數給非銀通的網絡(恒生銀行和匯豐銀行)

缺點:
不知道怎樣才能成功過數
過數速度慢,需要三個工作天
支援付款功能的銀行都是中小型銀行,普及性低

上文內容於撰寫時資料正確,本站恕不保證日後因任何上述公司條款修改,對上文的準確性之影響。
Posted in 手機支付 | Leave a comment

手機支付工具簡介(2) — 八達通O!ePay

八達通O!ePay(好易畀) 官網 oepay.com.hk,呢個名好難聽又核突嘅手機支付工具同Tap&Go係完全唔同嘅,好易畀呢個App大部份情況下係唔可以用嚟買嘢,只係可以用嚟過數。

之但係呢個過數功能其實相當好用。你可以增值八達通,又可以由八達通過返數入去呢個App。

同Tap&Go拍住賞卡最大嘅分別就係Tap&Go卡係有入無出,而好易畀就可以過返數入銀行而唔需要俾手續費。但加入銀行戶口,就要等兩個禮拜。

主要功能

好易畀嘅讀卡功能需要有增值或者扣款嘅八達通號碼,防止啲人係街道隨便讀人哋張八達通卡。而每一個戶口同時只能夠有十張登記左嘅八達通卡。唔支援舊版八達通卡,例如我張首創版八達通卡…

如果你需要過數俾朋友,如果佢不在身邊,佢需要有一個「O!ePay」嘅戶口,而過數係即時嘅。上限係兩日3000港元,金管局規定。如果佢喺你身邊,你就可以直接攞張八達通卡,直接經由手機上嘅NFC功能( iPhone則要購買一個Sony藍牙讀卡器) ,除咗提錢重可以入錢。呢個功能我對我同同事食飯非常之有用,因為佢哋一般來講唔太願意開下載個新嘅App用嚟收款付款,但每一個香港人都有八達通卡(好似係)。同樣道理,呢一個功能可以幫朋友或者同事增值八達通卡,咁你就可以賺到飛行里數或者信用卡積分啦。

  • 入錢/扣錢流程:打開App > 登入 > 按選項 > 轉入/轉出 > (如未加八達通卡號) 加卡 > 輸入金額 > 確定 > 拍卡
  • 過數流程: 打開App > 登入 > 按選項 > 按畀錢 > 畀錢朋友 > 揀朋友 > 輸入備註 > 輸入金額 > 發送

拿回塵封八達通卡的餘款

如果你家裡有幾張「銷售版」八達通卡,因為冇得退,又負咗錢,擺埋一二邊好嘥料,「好易畀」App就係救星了。首先你過錢入去到張卡變返正數$0.1,然後再扣返$35.1過入「好易畀」帳戶內,咁你就可以完全用得返你張卡嘅按金了。

同樣道理,如果你喺7-11買咗$98蚊嘅八達通SIM,都可以全數攞返內藏嘅$35按金,但較複雜……基於某些不明原因,你係唔可以用Android「好易畀」讀返插咗入同一部機嘅八達通SIM,準備非常麻煩:你要一部具有NFC功能嘅Android電話插八達通SIM、一部iPhone、同埋八達通讀卡器。

不過,原理相當簡單:喺iPhone用「好易畀」讀喺Android電話嘅八達通SIM。

網上付款

另外一個功能,同佢自己公司出產嘅八達通App功能基本上重疊,就係網上付款功能。網上付款功能只支援極少數的網上商店,包括可在八達通官網買八達通產品、讀卡器、精品等等。而另一間支援的公司就是中國大陸的淘寶網,如果有些人對中國產品有信心,可以使用這個app來進行網上付款。

短評

於我來說這個app的功能就好像一部流動八達通卡增值器和交易工具,定位明顯不夠清晰。雖然這個工具比較好用,但是普及性似乎很低。用戶可以看到自己手機裏便的通訊錄內,有多少個朋友已經安裝了,我眼見就只有小貓三四隻。

優點:
可以儲到飛行里數或者信用卡積分
基本上可以直接進行面對面嘅八達通交易,無需對方安裝任何app
登記戶口只需要電話號碼,唔一定需要身份證明文件 (如果要提錢入銀行,則必需提交身份證)

缺點:
無法進行市面上購物交易
如果要係iPhone上面用,就一定要購買一個藍牙讀咭器,售價超過$200。個讀咭器係日本Sony為咗日本本地嘅交通卡而推出嘅,可以讀取各種日本嘅交通卡包括西瓜卡等等。
似乎無法吸引用戶長期存放金錢於戶口內

下載: Google Play / Apple iTunes

上文內容於撰寫時資料正確,本站恕不保證日後因任何上述公司條款修改,對上文的準確性之影響。
Posted in 手機支付 | Leave a comment

手機支付工具簡介 (1) – Tap&Go

舊年開始,香港先開始興起手機支付,雖然落後其他國家好多,但有好過冇。我親身試用咗幾個手機支付工具,睇下佢地有無乜嘢特別吸引人嘅地方。頭炮講Tap&Go 拍住賞。

簡介

Tap&Go (官網: tapngo.com.hk,金管局儲值支付工具牌照號碼:SVF0002) 係比較先喺市塲出現嘅手機支付工具,主要功能係 (a)互相過數、(b)零售消費、(c)購物優惠。

佢其實係一張預付Master信用卡,初期只有SIM卡形式嘅虛擬卡,後來推出埋實體卡。虛擬卡需要經CSL上台,而用張虛擬SIM卡據聞同八達通SIM卡功能水火不容,要手機八達通就冇得用Tap&Go SIM卡。實體卡可以喺7-11或CSL買,售價$100,內有$100儲值。

官網暫時可以免費用自製相片製作Tap&Go實體卡,可以出街碌,但張卡冇凸字。下圖係假的,真卡係印上去,字體好古怪。

一人可以有五個Tap&Go戶口,而每部手機只可登記一個戶口,登記戶口需要影低身份證上載。

現金增值需要去7-11、759、實惠、CSL、SUN Mobile,信用卡增值只限大新信用卡,但不設信用卡積分。

功能

(a) 互相過數: 容許兩個有Tap&Go嘅人互相過數,流程是:

  • 打開Tap&Go手機程式->按Pay Buddy->按遙距轉帳->揀聯絡人或輸入電話號碼->輸入金額->按繼續->輸入密碼->按確定

對方即時會收到——只要佢都係Tap&Go嘅用戶。唔係就有排煩,因為登記戶口唔係即時用得。

(b) 零售消費: Android用戶可以喺商店嘅無接觸式終端機拍手機交易,同店員講拍Master卡便可以。此外,如果有實際卡,可以加入Android Pay,以Android Pay方式付款。

(c) 購物優惠: Tap&Go程式包含759阿信屋會員卡,其他商店優惠基本上可以忽略。不過Tap&Go間中都有推出優惠。

(d) Android Pay/Apple Pay: 11歲以上可以開Tap&Go,似乎係冇信用卡嘅中學生用Apple Pay/Android Pay嘅最簡單途徑。

(e) Pay Master: 好似電視廣告咁,阿媽畀零用錢仔女用,連結仔女手機上Tap&Go,監察仔女消費狀況。

評價

優點:
附有759會員卡
推廣優惠吸引 – 例如今期(2017年1月)Android Pay加入Tap&Go卡,買三次$50可回贈$50。
相比競爭對手,用戶人數唔算少
預付卡功能方便未夠18歲嘅少年或破產人士
因為是Master卡,可以在全球大部份網上商店購物

缺點:
增值不友善,要落7-11增值,除非你同時係大新信用卡同CSL客戶
唔交身份證明文件完全用唔到,競爭對手只需要電話號碼,便可以用基本功能
(幾乎)冇積分扮有積分,理論上用戶可以加入CSL「The Club」儲積分,但係,用Tap&Go消費$1000先得嗰1個 Club Point積分,1個 Club Point積分理論價值為$0.1,即係簽1萬蚊回贈大約1蚊。
有入冇出,入咗錢冇得退,除非停咗張卡,而停卡退款重會收$60手續費。
開住Android Pay時用Tap&Go內建畀錢有機會會撞 – 曾經試過喺759阿信屋買嘢,我同收銀員試咗幾分鐘設定都失敗,只好直接改用Android Pay上的Tap&Go支付。

下載: Google Play / Apple iTunes

上文內容於撰寫時資料正確,本站恕不保證日後因任何上述公司條款修改,對上文的準確性之影響。
Posted in 手機支付 | Leave a comment

Sony SBH-50 藍牙耳機使用經驗

這篇不是Sony SBH-50的用後感,僅屬於我個人見解,你買不買,不要受我左右。謝謝。

個人一直喜歡連FM收音機的藍牙耳機。好多年之前用過的iTech Clip Radio,使用經驗不好,而且半年就壞掉。後來(四年半前)試過用Philip GoGear Luxe,對耳機非常滿意,但連接的耳機線一年左右便壞了,而竟然沒有得配,寫信到飛利浦香港,他們竟寄多一條線給我,服務令人驚喜。之後更特地上網向人買多一部二手的。可惜最後兩部機,一部不小心放進洗衣機,一部丟失了。

之後,便一直追求千元以上那些標榜骨傳的耳機,沒錯,聲音對方是聽到了,但是己方的雜音卻比對方的話音要吵,這項發明得物無所用。加上交通工具的噪音越來越多(巴士有廣告噪音,火車有一小撮比較不文明的大陸人在喧嘩),所以,兩隻耳朵同時塞住是非常重要的。

收音機對我來說比較重要,奈何4G普及之下,內置有收音機功能的手機選擇反而少了。迫於無奈,要聽收音機就要用腕上的MOTOACTV或iPod Nano (6 Gen),容易搭車被乘客隨身物件纏到。換回藍牙耳機的念頭由此萌生。

Sony Ericsson MW600Sony MW1Sony SBH-50三者間掙扎。前者價便廉宜,續航力高,不過是舊款。中間可插SD卡播歌,毋需經手機,價位比較高。後者配對方便,外型不錯…

上去開的ComputerUniverse和Amazon逛一下,打消念頭,因為單買運費不划算。最後,踏入衛訊,決定揀Sony SBH-50。

進去,刷卡,拿走,全程2分鐘。回家開箱最過癮。

image

開箱,藍牙耳機主機、USB線、耳機、一張不含文字的產品按鍵圖、產品安全資料…咦?裡面怎會沒有說明書的。Sony瘋了嗎,迫人家Google。失心瘋了。

配對,很易,開NFC就行。聽歌音質很好,甚至畫蛇添足到對人聲對話加5.1 effect。之後呢?瞎子摸象。收音機呢?手機重撥鍵呢?

原來有Android App,好了,要下載了,原要首先要裝Smart Connect…好了,兩個App都裝要,原來都不行。要先裝App方可以連線。極老土。

個App有bug:

– 一進入Text to speech (TTS)功能,迫用戶下載西班牙文、德文、法文、意大利文的TTS資料,一共20.6MB
– TTS功能不斷關上仍會自動不受控制的打開
– 刪除資料,再入會強制再下載,有限流量的用戶多得你唔少
– 一(被迫)用TTS,Android app立刻強制關閉…
– 裝了App之後反而不能開音樂App

罪天你是故意針對其他廠的Android手機嗎… –_-

好吧,我移除Sony的app,還原基本步,受不了它那堆吃力不討好的軟件設計…

Sony的程式員大概人工是不夠吧…SBH-50的用家,我強烈建議你用就直接用,不要搞太多了…

如果你是英雄或勇士,下列是你做烈士所需要的配件(Google Play連結):
Smart Connect (LiveWare Mgr)
Smart Key
Sony Extras for Facebook
Stereo Bluetooth Headset SBH50
Messaging Smart Extras
WatchIt! (顯示通知,可以收WhatsApp/LINE/微信等)

Posted in 數碼周邊 | Tagged | Leave a comment

iPad與藍牙鍵盤輸入

用iPad的中文輸入法打字永遠係一件非常辛苦嘅事。用藍牙打更加煩上加煩。煩在香港地,打字經常要中英夾雜,要轉語言就要撳掣轉,有時一段文字要轉十幾次,費時失事。

有啲朋友會用藍牙鍵盤輸入,係就係會快咗,但要記住轉輸入法嘅方法,因為蘋果從來唔提供說明書,要自己盲摸,或者要上網搵人教路。

要記住以下兩點:
一、打完字選字要按Enter鍵。
二、轉輸入法方式與Mac機相同,即Command + Space,如果用PC格式的鍵盤,則為Windows Key + Space。

Posted in 自用文章 | Tagged | Leave a comment

Sony Xperia Z經常失去訊號?對方無法聽到聲音?

Sony Xperia Z經常失去訊號的原因和解決辦法:

數碼通的朋友用Sony Xperia Z經常失去訊號,我曾經落門市查詢,他們只是求其出張卡就敷衍了事,根本無解決過問題。

基於我之前用過3HK的卡完全沒有此問題,我斷定是設定出現問題。所以我繼續找,最後,我發現數碼用的APN設定是元兇:因為預設的APN,依舊採用Vodafone合作時期的設定。只要按下列方法修改,斷網問題應可解決:

1. 設定->無線與網絡->流動網絡->接入點名稱
2. 按一下SMV-Voda (或Smartone-Vodafone
),將名稱改為SmarTone,將APN改為SmarTone
3. 打開選單,選儲存
4. 按一下SMV-Voda MMS(或Smartone-Vodafone
MMS),將名稱改為SmarTone MMS,將APN改為SmarTone
5. 打開選單,選儲存
如轉載請註明出處為abcadia.com

=====================================================

Sony Xperia Z通話對方無法聽到聲音的原因和解決辦法:

Xperia Z除了預設設定有誤外,亦受大陸App所拖累。在網上有好多朋友說在電話通話時,對方無法聽到自己的聲音。他們的共通點是使用「微信」這個大陸app。要根治問題,當然是不再使用大陸的App,改用功能類似的WhatsApp或LINE。若非用微信不可,進行下列步驟,應可解決問題:

1. 設定->通話設定
2. 不要選取「聽筒聲音增強功能」
3. 重新開機
如轉載請註明出處為abcadia.com

Posted in 手機設定 | Tagged , | Leave a comment

如何將WhatsApp由舊機搬新機?(Android)

換新Android手機,如何將WhatsApp由舊機搬新機?有人說需要root機,再行Titanium Backup將所有Apps都做一次備份。當然可以,但對一般用家來說有點困難。

其實WhatsApp每晚都會自動進行一次備份動作。所有訊息都會在備份保存。要將這些訊息,連同收發的相片、影片、聲音,一次過搬到新機,其實不難。

(1) 將舊手機接駁到電腦處,將內置記憶體裡頭的\WhatsApp資料夾,直接複製到電腦處。此時,舊手機已功成身退。

(2) 將新手機接駁到電腦,將剛才的WhatsApp資料夾,由電腦複製到手機內置記憶體中,注意,不能放在SD卡裡,否則無法成功回復

(3) 在新手機裡打開Google Play,搜尋並安裝WhatsApp。

(4) 打開WhatsApp。輸入電話並驗證成功之後,WhatsApp會說發現有舊的資料,是否進行回復?這樣子,你便可以將舊機所有紀錄一次過在新機回復了。記住,回復時的電話號碼不能更改,否則,WhatsApp將不會執行回復動作。

Posted in 手機軟件 | Tagged | Leave a comment

遲來的iPad升級iOS 6用後感

炆豬肉係我用喔?語音輸入研制成嘅。
我想我嘅第三代-升級成為最新版機械X咯。
係通知欄上面可以直接撳掣就可以發Facebook或者其他嘅文章,甚至可以加埋上。呢樣嘢都幾方便,食緊飯。
支援少女同埋廣東話輸入方面懶人使用。個個語音準確度非常媽媽。但係我仲未搵到輸入標點符號嘅方法,經過個官網有完全冇搞,你我係
黃。更令人氣憤嘅係創設繭子依家唔能夠用,日用墾丁會出咗第二個生的事。
另外地圖轉左金融股講係一個大災難,無需要貼亦都非常之唔方便。
播放鬧鐘功能我認為係一個大德學,終於似番一部基本嘅科技產品。
最後相簿亦都可以直接出Facebook嘅文章,同樣再睇睇。
講咗咁耐星星給自己決定啊。
你想我講左啲乜自己參透嚇死。靠語音輸入保證你睇唔明。

翻譯
呢一篇文主要係我用iPad嘅語言輸入而制成嘅。
我將我嘅第三代iPad升級成為最新版嘅iOS 6。
喺通知欄上面可以直接撳掣,就可以發出Facebook或者twitter嘅文章,甚至可以加埋相。呢樣嘢都幾方便,值得一讚。
支援Siri同埋語言輸入,方便懶人使用。不過語言準確度非常麻麻。但係我仲未搵到輸入標點符號嘅方法,蘋果個官網又完全冇教,令我非常徬徨。更令人氣憤嘅係倉頡而家唔能夠用space,一用space肯定會出咗第二個生僻字。
另外地圖轉咗唔用google係一個大災難,冇咗YouTube亦都非常之唔方便。
至於鬧鐘功能我認為係一個大突破,終於似番一部基本嘅科技產品。
最後相簿亦都可以直接出Facebook嘅文章,同Android睇齊。
講咗咁耐,升唔升級自己決定啦。
以上我講咗啲乜自己參透下。靠語音輸入保證你睇唔明。

20121120-004216.jpg

Posted in 手機軟件, 用後感 | Tagged , | Leave a comment