Categories
Uncategorized

Samsung Galaxy Buds+ (2020) 用後感

真無綫的藍牙耳機 我用唔少 所謂真無綫 就即係兩隻藍牙耳機同時連線去裝置

上一代嘅藍牙耳機係要由裝置連接一邊耳機 再由耳機發送去另一邊耳仔 所以訊號會隔住用戶個頭

買咗AirPods Pro之後果兩個禮拜,感受到佢非常犀利嘅主動降噪功能,可惜蘋果好快就閹割咗佢,令到部機完全無法阻擋人聲,上咗賊船咁。適逢我整唔見部Gear IconX 2018,睇到新版嘅Galaxy Buds+發佈,又話話音超清晰又盛,就心郁郁想整返部。

武漢肺炎令香港行貨推出彷彿遙遙無期,S20不停延遲,Buds+更是隻字不提,只好退而求其次買水貨,原來俄羅斯水貨都唔算貴,$1100有找,同舊版行貨同價

網上面嘅圖片,藍色嘅色水望落似白色機身用得耐咗會變得藍藍地嘅感覺,點知原來實物嘅天藍色係自然好多,係幾靚嘅。

我曾經用過嘅真無綫藍牙耳機包括有AirPods, AirPods, AirPods Pro同埋Samsung Galaxy Gear IconX (2018)。呢幾個型號做配對嘅時候冇咁麻煩。佢哋個個都有實體按鈕,可以長撳嚟做配對

第一個配對係順利嘅,特別係用三星手機嘅時候,直接彈出嚟。但係由於佢不設實體按鈕,想同第二部機配對時,就麻煩了。

首先要同部電話取消咗連接先,跟住就有幾個好無聊嘅步驟:將耳機放入充電盒、關閉充電盒、打開充電盒、將耳機放入耳仔。呢啲動作,其實只要係充電盒有一個實體嘅按鈕就可以做得到,無按鈕呢個設計非常之懶係簡約。

暫時聲音質素都滿意,隔音都幾有效,當然係會差過降噪嘅耳機。但通話質素未知,未有咁大膽落去多人地方試用,試用試到武漢肺炎就無謂啦。

更新: 暫時話音質素都幾飄忽,有啲人話聽到好細聲,有啲人又話正常。

美國版:

國際版(包送貨到港):

Leave a Reply

Your email address will not be published. Required fields are marked *